1 Musa 5 : 1 - 32

1 Musa 3 : 1 - 23

1 Musa 5:1 On ma buku ni angka sundut ni si Adam, di ari panompaon ni Debata di si Adam, tudos tu rupa ni Debata ibana ditompa.

1 Musa 5:2 Baoa dohot boruboru nasida ditompa, jala dipasupasu nasida, jala dibahen goarnasida jolma, di ari panompaonnasida i.

1 Musa 5:3 Jadi dung saratus tolupulu taon mangolu si Adam, tubu ma anakna, tudos tu rupana, songon pangalahona, dibahen ma goarna si Set.

1 Musa 5:4 Ia umur ni si Adam, dungkonsa ditubuhon si Set ualu ratus taon do, jala ditubuhon anak dohot boru.

1 Musa 5:5 Jadi sia ratus tolupulu taon ma sandok umur ni si Adam mangolu, dung i mate ma ibana.

1 Musa 5:6 Dung saratus lima taon leleng ni si Set mangolu, ditubuhon ma si Enos.

1 Musa 5:7 Ia leleng ni si Set mangolu, dung ditubuhon si Enos, ualu ratus pitu taon do, jala ditubuhon anak dohot boru.

1 Musa 5:8 Jadi sia ratus sampulu dua taon ma sandok umur ni si Set, dung i mate ma ibana.

1 Musa 5:9 Dung siapulu taon leleng ni si Enos mangolu, ditubuhon ma si Kenan.

1 Musa 5:10 Ia leleng ni si Enos mangolu, dung ditubuhon si Kenan, ualu ratus sampulu lima taon do, jala ditubuhon anak dohot boru.

1 Musa 5:11 Jadi sia ratus lima taon sandok umur ni si Enos, dung i mate ma ibana.

1 Musa 5:12 Dung pitupulu taon leleng ni si Kenan mangolu, ditubuhon ma si Mahalaleel.

1 Musa 5:13 Ia leleng ni si Kenan mangolu dung ditubuhon si Mahalaleel ualu ratus opatpulu taon do, jala ditubuhon anak dohot boru.

1 Musa 5:14 Jadi sia ratus sampulu taon ma sandok umur ni si Kenan, dung i mate ma ibana.
5:15 Dung onompulu lima taon leleng ni si Mahalaleel mangolu, ditubuhon ma si Jared.

1 Musa 5:16 Ia leleng ni si Mahalaleel mangolu, dung ditubuhon si Jared, ualu ratus tolupulu taon, jala ditubuhon anak dohot boru.

1 Musa 5:17 Jadi ualu ratus siapulu lima taon sandok umur ni si Mahalaleel, dung i mate ma ibana.

1 Musa 5:18 Dung saratus onompulu dua taon leleng ni si Jared mangolu, ditubuhon ma si Henok.

1 Musa 5:19 Ia leleng ni si Jared mangolu, dung ditubuhon si Henok, ualu ratus taon, jala ditubuhon anak dohot boru.

1 Musa 5:20 Jadi sia ratus onompulu dua taon sandok umur ni si Jared, dung i mate ma ibana.

1 Musa 5:21 Dung onompulu lima taon leleng ni si Henok mangolu, ditubuhon ma si Metusalah.

1 Musa 5:22 Jadi dung ditubuhon si Metusalah i, sai marparange, mardonganhon Debata ma si Henok tolu ratus taon lelengna, jala ditubuhon anak dohot boru.

1 Musa 5:23 Jadi tolu ratus onompulu lima taon sandok umur ni si Henok.

1 Musa 5:24 Jala sai marparange, mardonganhon Debata ma si Henok, dung i ndang disi be ibana, ai dialap Debata do ibana.

1 Musa 5:25 Dung saratus ualupulu pitu taon leleng ni si Metusalah mangolu, ditubuhon ma si Lamek.

1 Musa 5:26 Ia leleng ni si Metusalah mangolu, dung ditubuhon si Lamek, pitu ratus ualupulu dua taon do, jala ditubuhon anak dohot boru.

1 Musa 5:27 Jadi sia ratus onompulu sia taon sandok umur ni si Metusalah, dung i mate ma ibana.

1 Musa 5:28 Dung saratus ualupulu dua taon leleng ni si Lamek mangolu, ditubuhon ma sada anak.

1 Musa 5:29 Dung i dibahen ma goarna si Noak, ninna ma: On ma mangapul hita di ulaonta dohot di haloloja ni tanganta di tano on, na hona toru ni Jahowa.

1 Musa 5:30 Ia leleng ni si Lamek mangolu, dung ditubuhon si Noak, lima ratus siapulu lima taon do, jala ditubuhon anak dohot boru.

1 Musa 5:31 Jadi pitu ratus pitupulu pitu taon sandok umur ni si Lamek, dung i mate ma ibana.

1 Musa 5:32 Dung lima ratus taon umur ni si Noak, ditubuhon ma si Sem, si Ham dohot si Japet.

0 Response to " 1 Musa 5 : 1 - 32 "

Populer Hari ini

POPULER MINGGU INI

Diberdayakan oleh Blogger.

Daftar Blog Saya